Fréttir

Viðræður við Strætó bs, Orkuveitu Reykjavíkur og Faxaflóahafnir eru í fullum gangi og af endurnýjuðum krafti nú eftir að kjarasamningur félagsins við Reykjavíkurborg hefur verið samþykktur og er sá samningur auðvitað lagður til grundvallar af hálfu félagsins í viðræðunum. Viðræður þessar hafa gengið vel í öllum tilfellum og

Niðurstaða úr atkvæðagreiðslu um kjarasamning St.Rv. við Reykjavíkurborg liggur nú fyrir. Á kjörskrá voru 2525 manns. Atkvæði greiddu 1025 eða 40% félagsmanna. Samþykkir samningnum voru yfirgnæfandi eða 967 eða 94% þáttakanda. Ósamþykkir samningnum voru 37 eða 5% greiddra atkvæða. Auðir og ógildir voru 7.

Nú eru félagsmenn, starfandi hjá Reykjavíkurborg væntanlega búnir að fá senda í pósti kynning á nýgerðum kjarasamningi við Reykjavíkurborg ásamt kjörseðli. Félagsmenn eru hvattir til þess að taka þátt í kosningunni.

Á mánudaginn 12 desember verður kynningarfundur á nýundirrituðum kjarasamningi í Tónabæ sérstaklega auglýst fyrir þá starfsmenn sem ekki komust á fyrri fundi.

Nú er kynning á nýgerðum kjarasamningi í fullum gangi. Hófst kynningin á fundi með Fulltrúaráði og trúnaðarmönnum á Grand hotel í gær, 6. desember,  í dag 7. des. var kynning í ráðhúsi Reykjavíkur, á morgun miðvikudaginn 8. des. verður kynningarfundur á Grettisgötu 89, 4 hæð, félagsmenn eru hvattir til þess að mæta á kynningafundi eða kynna sér kjarasamninginn. Hér fylgir með úrdráttur með helstu ákvæði í kjarasamningi.

Skrifað var undir kjarasamninga  St.Rv. við Reykjavíkurborg nokkru fyrir miðnætti í gærkvöld, sunnudaginn 4. desember í húsakynnum Ríkissáttasemjara.   Nú verður hafist handa við að kynna samninginn fyrir félagsmönnum og undirbúa skriflega allsherjaratkvæðagreiðslu sem fer þannig fram að félagsmenn munu fá send kjörgögn í pósti ásamt upplýsingum um helstu breytingar og nýjungar, sem í kjarasamningnum felast.

Rétt er að taka fram, að viðtal það sem birtist í Morgunblaðinu í gær sunnudag, var tekið við formann félagsins s.l. föstudagsmorgun, en samninganefnd félagsins hafði þá tekið sér hlé frá viðræðum vegna dræmra undirtekta samninganefndar borgarinnar við kröfum okkar.  Eftir þetta hlé voru viðræður teknar upp á ný og fóru þá hlutirnir að ganga betur. Og nú hafa sem sagt  samningar náðst sem samninganefnd félagsins leggur á næstu dögum undir dóm félagsmanna.  Kjarasamningur í heild

Hinn 23. þ.m. lagði samninganefnd St.Rv. svar við tilboði borgarinnar um nýjan kjarasamning. Samninganefndin lagði mikla vinnu og metnað í gagntilboðið og hefur hagfræðingur BSRB, Hildigunnur Ólafsdóttir unnið með nefndinni og lagt okkur til útreikninga á einstökum kostnaðarþáttum og tilboðinu í heild. Við fórum ennfremur mjög nákvæmlega yfir gildandi samning og bárum saman við tilboð borgarinnar  sem gerði ráð fyrir all miklum breytingum á einstökum greinum og ákvæðum sem og uppröðun og kaflaskiptingu í heild sinni.

Kjarasamningsviðræður við Reykjavíkurborg eru í fullum gangi.

Síðasti fundur var miðvikudaginn 23. nóvember þar sem samninganefnd St.Rv. svaraði fyrsta tilboði Reykjavíkurborgar og væntum við þess að funda fljótlega aftur.

Samkomulag var gert milli St.Rv. og Reykjavíkurborgar 12. október sl. um framkvæmd á greiðslu hæfnislauna b. samkv. núgildandi kjarasamningi.

Framkvæmdin er á ábyrgð sviðsstjóra á hverju sviði fyrir sig og við hvetjum félagsmenn til þess að kynna sér málið á meðfylgjandi vefslóð og hjá yfirmönnum á vinnustöðum http://www.rvk.is/default.asp?cat_id=1847

Ögmundur Jónasson formaður BSRB svarar Ingimundi Sigurpálssyni á heimsíðu sinni og segir ömurlegt að þurfa að hlusta á talsmann hálaunahópanna í þjóðfélaginu traktera láglauna- og militekjuhópa með þessum hætti.

David Hall, prófessor við háskólann í Greenwich í Englandi, heldur erindi um rannsóknir á afleiðingum einkavæðingar á vatnsveitum. Fyrirlesturinn verður  kl. 09:00 til 10:30 að Hótel Loftleiðum föstudaginn 18. nóvember nk.

Eins og félagsmönnum má vera kunnugt standa nú yfir viðræður við Reykjavíkurborg og Strætó bs. um nýjan kjarasamning. Í byrjun október lagði samninganefnd félagsins fram  meginkröfur félagsins þar sem fyrst og fremst er lögð áhersla á verulega hækkun launa  og fulltrúar borgarinnar kynntu okkur á sama fundi helstu markmið Reykjavíkurborgar.

Baráttuhátíð verður haldin þann 24. október næstkomandi í tilefni af því að þá verða þrjátíu ár liðin frá kvennafrídeginum árið 1975. Heildarsamtök launafólks (ASÍ, BHM, BSRB, KÍ) og mörg kvennasamtök standa saman að undirbúningi og framkvæmd dagsins. Kröfuganga verður farin frá Skólavörðuholti að Ingólfstorgi og er mæting í hana klukkan 15.00. Yfirskrift göngunnar er “Konur höfum hátt”. Baráttufundur verður síðan á Ingólfstorgi klukkan 16:00 með stuttum hvatningaræðum og menningardagskrá.

Sjá sameiginlega fréttatilkynningu frá heildarsamtökum launafólks, ASÍ, BSRB, BHM, KÍ.

Kosningar í fulltrúaráð Starfsmannafélags Reykjavíkurborgar í október 2005
Félagsmenn eru hvattir til þess að bjóða sig fram sem fulltrúa í fulltrúaráð St.Rv. Fulltrúi er jafnframt  trúnaðarmaður á vinnustað.
Kosning í fulltrúaráð fer fram í október, mikilvægt er að félagsmenn taki þátt.
Kjörstjóri deildarinnar mun auglýsa eftir framboðum og jafnframt tilkynna þá daga sem kosning fer fram.

Nú er farin í gang viðhorfskönnun á vegum Starfsmannafélags Reykjavíkurborgar. Markmiðið með þessari könnun er að skoða hug félagsmanna í tengslum við komandi kjarasamnninga.

Fyrsti formlegi fundur samninganefndar félagsins og Reykjavíkurborgar var haldinn í gær miðvikudaginn 5. október. Lögðu samningsaðilar fram áhersluatriði sín varðandi komandi kjarasamninga og ræddu þau. Ákveðin var vinnutilhögun í viðræðunum.

Nú fer að nálgast að námskeið í Ensku I hefjist. Á þessu námskeiði, sem er 30 stundir, verður lögð áhersla á notagildi námsins og talmál.
Kennt verður á mánudögum og miðvikudögum frá kl. 17-19:30 á tímabilinu frá  3. til 26 október.

Leikhópurinn Á senunni býður félagsmönnum í Starfsmannafélagi Reykjavíkurborgar 10% afslátt á miðaverði á sýninguna Kabarett í Íslensku óperunni dagana 1., 8., 15. eða 22. október.  Almennt miðaverð er 3900 eða 5900 krónur. Einnig býðst hópurinn til að semja við Café Sólon um veitingar fyrir hópa fyrir sýningu og í hléi á vægu verði.  Kabarett er sjöunda verkefni hópsins og hefur verið á teikniborðinu í nokkur ár.  Eiginlegur undirbúningur hefur staðið frá síðasta sumri. 

BSRB hefur undanfarið fengið fyrirspurnir  varðandi rétt starfsmanna til að fá afturvirka leiðréttingu úr Fæðingarorlofssjóði vegna greiðslna úr starfsmati. M.ö.o hvort að útreikningur sem notaður var til grundvallar þegar starfsmaður fór í fæðingarorlof verði leiðréttur til hækkunar vegna starfsmatsins, þrátt fyrir að viðkomandi starfsmaður hafi verið búinn í fæðingarorlofi þegar leiðrétting á launum kom til framkvæmda.

Samninganefnd félagsins hefur hafið störf fyrir all nokkru. Þar er á ferð vörpulegur og samstæður hópur sem er staðráðinn í að standa saman um að fylgja eftir þeim kröfum sem fram verða settar. Endanlegar kröfur eða útfærslur þar um liggja ekki fyrir á þessari stundu en umræðan er öll á einn veg ljúka verður endanlegu uppgjöri gildandi kjarasamnings og hækka þarf grunnlaun svo um munar. Borgarstjórinn í Reykjavík hefur nýverið sett fram hugmyndir um að flýta skuli gerð kjarasamninga við starfsmenn borgarinnar.

á Mánudaginn 12. september undurrituðu, fulltrúar úr samninganefndum Starfsmannafélags Reykjavíkurborgar og Reykjavíkurborgar, viðræðuáætlun. Stefnt er að því að hefja viðræður í næstu viku.

Ályktun frá Starfsmannafélagi Reykjavíkurborgar
Fundir í fulltrúaráði St.Rv. 30. ágúst og fundur stjórnar St.Rv. 7.september samþykkja eftirfarandi ályktun:
Starfsmannafélag Reykjavíkurborgar lýsir yfir þungum áhyggjum vegna lágra launa og mikils vinnuálags hjá starfsmönnum Reykjavíkurborgar. Á sumum vinnustöðum hefur auk manneklu verið óviðunandi álag á starfsfólki vegna stórtækra skipulags- og stjórnkerfisbreytinga að undanförnu. Þrátt fyrir viðleitni til að jafna kynbundinn launamun hjá Reykjavíkurborg hafa borgaryfirvöld sýnt lítinn

Á fulltrúaráðsfundi 30. ágúst sl. varð mikil umræða um kjaramál eins og gefur að skilja þar sem kjarasamningar eru lausir nú í lok nóvember. Auk þess að fulltrúar ræddu lág laun og að ekki hefur enn verið staðið við alla þætti kjarasamningsins, þ.e. hæfnislaun b. Þá var mikil óánægja með það álag sem væri á vinnustöðum í kjölfar breytinga, flutninga og vegna mikillar manneklu. Segja fulltrúar þetta algjörlega óviðunandi ástand.

Fundur var haldinn í dag 1. sept. í samninganefnd félagsins. Rædd voru m.a. drög að tillögu okkar að viðræðuáætlun sem ber að gera fyrir 15. september, en kjarasamningar eru lausir 30 nóvember n.k. við m.a. Reykjavíkurborg, Strætó bs., Faxaflóahafnir og Orkuveitu Reykjavíkur.

Í dag 30. ágúst kl. 13 er boðað til fyrsta fundar vetrarins í Fulltrúaráði félagsins. Áætlað er að halda fund aftur í sepember, en það verður síðasti fundur núverandi Fulltrúaráðs en kjörtímabili þess lýkur í október.

Davíð Oddsson utanríkisráðherra tók í dag við ályktun stjórnar BSRB þar sem stjórnvöld og almenningur eru hvattur til að taka virkan þátt í að brúa þá gjá sem er á milli ríkra og snauðra. Það voru Ögmundur Jónasson formaður BSRB, Sjöfn Ingólfsdóttir og Jens Andrésson varaformenn bandalagsins sem afhentu utanríkisráðherra ályktunina. Sjá einnig meira www.bsrb.is

Á fjölmennum fundi BSRB í gær flutti  Hans Engelberts framkvæmdastjóra PSI erindi þar sem hann ræddi helstu baráttumál Alþjóðasamtaka starfsfólks í almannaþjónustu og hvernig baráttan fyrir bættri almannaþjónustu tengist baráttunni gegn fátækt, fyrir réttinum til að vera í verkalýðsfélagi og fyrir jafnrétti í heiminum. Sjá nánari umfjöllun um fundinn á heimasíðu BSRB www.bsrb.is

Nú er komið út 3. tölublað Fréttabréfs félagsins. Umfjöllunarefni þess er meðal annars þær breytingar sem eru að verða á stjórnskipulagi Reykjavíkurborgar. Birna Stefánsdóttir starfsmaður félagsins til rúmlega 30 ára kveður og segir frá félagsstarfinu  á árum áður. 

Árleg Menningarhátíð BSRB í Munaðarnesi verður haldin laugardaginn 11. júní. Á hátíðinni verður opnuð myndlistarsýning Önnu Hrefnudóttur. Skagfirska söngsveitin mun syngja og Þorsteinn frá Hamri lesa upp.

Félagsmenn eru hvattir til þess að hafa samband við skrifstofu félagsins til þess að fá upplýsingar um laus orlofshús í sumar.

Eins og undanfarin sumur verða niðurgreiddir miðar á Edduhótelunum fyrir félagsmenn. Verð á gistinóttu er 4000 kr. Miðarnir verða seldir á skrifstofu Starfsmannafélag Reykjavíkurborgar, Grettisgötu 89, 3. hæð,  frá og með 2. maí og gilda fyrir tveggja manna herbergi með handlaug. Sé óskað eftir herbergi með baði verður að greiða aukalega fyrir það.

1. maí hátíðahöld fóru fram í Reykjavík á hefðbundinn hátt. Formaður BSRB Ögmundur Jónasson hélt ávarp á Ingólfstorgi, ásamt varaformanni Eflingar Þórunni Sveinbörnsdóttur. Dagurinn var að þessu sinni haldinn undir slagorðunum Sami réttur fyrir alla.

Á heimasíðu verkefnisins "Hið gullna jafnvægi" eru ýmsar forvitnilegar upplýsingar um samræmingu vinnu og einkalífs, aukins sveigjanleika í starfsumhverfinu, meiri starfsánægju og um það að styrkja fyrirtækin í samfélagi sem einkennist af örum breytingum á vinnumarkaði. Verkefnið er samstarfsverkefni Reykjavíkurborgar og Gallup. Félagsmenn eru hvattir til þess að kíkja á síðuna www.hgj.is

Samninganefnd St.Rv. við Reykjavíkurborg fundar. Nú er samninganefndin komin í fullann gang með undirbúningsvinnu fyrir samninga sem verða lausir við Reykjavíkurborg 31. nóvember nk.  

Á fulltrúaráðsfundi í dag, fimmtudaginn 7. apríl var aðalefni fundarinns stjórnkerfisbreytingar hjá Reykjavíkurborg. Á hann mættu Steinunn Valdís Óskarsdóttir borgarstjóri, Helga Jónsdóttir, Birgir Björn Sigurjónsson, Ragnar Þorsteinsson, Eiríkur Hjálmarsson og Ágúst Hrafnkelsson.

Einar Ólafsson starfsmaður á Borgarbókasafni og fyrsti fulltrúi fyrir 13. deild St.Rv. sótti ráðstefnuna „Trading in knowledge? The World Trade Organisation and Libraries“ sem haldin var í Cambridge í Englandi Dagana 2.-3. mars sl. Á ráðstefnunni var m.a. fjallað um áhrif GATS samningsins á þjónustu bókasafna þeirra landa sem hafa opnað á  þjónustuflokkinn bóka- og skjalasöfn, safnastofnanir og önnur menningarþjónusta, en Ísland er eitt þeirra landa.
Greinargerð Einars um ráðstefnuna fylgir hér á eftir.

Formaður Starfsmannafélags Reykjavíkurborgar, Sjöfn Ingólfsdóttir, og formaður BSRB, Ögmundur Jónasson, óskuðu eftir fundi með borgarstjóra til að ræða áhyggjur starfsmanna vegna fyrirhugaðra breytinga á bókhaldsþjónustu og launavinnslu á stofnunum borgarinnar.

Nýr kjarasamningur var undirritaður við samninganefnd ríkisins laugardaginn 12. mars. Hann nær til félagsmanna St.Rv. sem starfa á Landspítala háskólasjúkrahúsi.

Aðalfundur Starfsmannafélags Reykjavíkurborgar var haldinn laugardaginn 5. mars. s.l. samkvæmt hefðbuninni dagskrá aðalfundar. Skýrsla stjórnar hafði verið send öllum félagsmönnum, auk helstu niðurstaðna í ársreikningi. Þrír nýjir stjórnarmenn tóku sæti í stjórninni, þau Þóra Sigurðardóttir sem starfar á Fasteignastofu, Jón Ingi Hilmarsson  á Landspítala háskólasjúkrahúsi og Ragnhildur Helgadóttir sem starfar hjá Íþrótta- og tómstundasviði.

Nú er komið út og á leið til félagsmanna Fréttabréf félagsins með ársskýrslu stjórnar. Í Fréttabréfinu eru einnig kynnt þau orlofshús sem félagsmönnum stendur til boða næsta sumar og meðfylgjandi er umsóknareyðublað í orlofshús og íbúðir.

Aðalfundur Starfsmannafélags Reykjavíkurborgar verður haldinn laugardaginn 5. mars næstkomandi kl. 13.00 að Grettisgötu 89, 4 hæð. Dagskrá fundarins eru venjuleg aðalfundarstörf samkvæmt 13. gr. félagslaga. Reikningar félagsins fyrir síðastliðið ár liggja frammi á skrifstofu þess á Grettisgötu 89 síðustu dagana fyrir aðalfund.