Fréttir
31.5.2006
St.Ak. í viðræður við St.Rv.
|
Starfsmannafélag Akranes leitaði til Starfsmannfélags Reykjavíkurborgar með þá hugmynd að félögin tvö mundu sameinast. Ekki hafa farið fram viðræður um málið nema í stjórn hjá St.Rv. en aðalfundur St.Ak. hefur veitt stjórn St.Ak. umboð til þess að hefja viðræður við stjórn Starfsmannafélags Reykjavíkurborgar um hugsanlega sameiningu félaganna. Tillaga þar að lútandi var samþykkt á framhalds aðalfundi félagsins 22. maí sl. en á fundinn mætti Jakobína Þórðardóttir varaformaður Starfsmannafélags Reykjavíkurborgar og kynnti starfsemi félagsins og sat fyrir svörum. |
31.5.2006
Laus orlofshús
Það eru nokkur orlofshús laus á næstu vikum. Sérstaklega á það við um Úlfljótsvatn og Munaðarnes. Húsin eru öll með heitum pottum. Nánari upplýsingar á skrifstofu félagsins í síma 525-8330.
24.5.2006
Úlfljótsvatn
| Hópur fólks, sem láta sig fyrirhugaðar framkvæmdir við Úlfljótsvatn varða hefur opnað bloggsíðu. Nú fer fram skoðanakönnun á afstöðu fólks til framkvæmdanna á síðunni. Haft var samband við félagið og það hvatt til þess að tjá sitt sjónarhorn vegna framkvæmdanna í gestabók síðunnar. http://ulfljotsvatn.blog.is/blog/ulfljotsvatn/ |
 |
18.5.2006
Stuð hjá ungum félagsmönnum
|
Hljómsveitin Rass með skýr pólitísk skilaboð |
Ungliðar í Starfsmannafélagi Reykjavíkurborgar og SFR stóðu fyrir dagskrá í Félagamiðstöð BSRB í gærkvöldi. Þar var skemmtileg blanda af rokki og pólitík. Allir auglýstir dagskrárliðir mættu á svæðið nema tveir; borgarstjóraefnin Björn Ingi Hrafnsson, leiðtogi Framsóknar, og Dagur B. Eggertsson, efsti maður á lista Samfylkingarinnar. En í stað þeirra mættu þær Marsibil Sæmundsdóttir frá ex-bé og Oddný Sturludóttir frá Samfylkingu.
17.5.2006
Kjarasamningur við Orkuveituna sf
Atkvæðagreiðsla um kjarasamning félagsins við Orkuveituna lauk um hádegi 16. maí. Niðurstaðan er eftirfarandi: Á kjörskrá voru 217. Atkvæði greiddu 108 eða 49 %. Já sögðu 91 eða 85%. Nei sögðu 15 eða 14.8 %. Auðir/ógildir 2.
16.5.2006
Kjarasamningur við Orkuveitu undirritaður
 |
Á mánudaginn 15. maí var undirritaður fyrsti sjálfstæði kjarasamningur félagsins við Orkuveituna. Samningurinn var kynntur starfsmönnum á fundi þriðjudaginn 16. maí og í lok fundar borinn undir atkvæði. |
15.5.2006
Kjarasamningar undirritaðir
Í dag voru undirritaðir kjarasamningar við Launanefnd sveitarfélaga vegna starfsmanna hjá Slökkviliði höfuðborgarsvæðisins og við Félagsbústaði hf. Samningar við Félagsbústaði voru bornir undir atkvæði félagsmanna
15.5.2006
Rokk og pólitík fyrir ungt fólk
|
Rokk og pólitík er yfirskrift uppákomu sem SFR og Starfsmannafélag Reykjavíkurborgar gangast fyrir í nýrri félagamiðstöð BSRB á Grettisgötu 89 miðvikudaginn 17. maí næstkomandi. Þar munu troða upp nokkur heitustu rokkböndin í dag og nokkrir þeirra stjórnmálamanna sem eru í eldlínunni í baráttunni fyrir sveitastjórnarkosningarnar.
|
|
3.5.2006
Ráðstefna um skatta og skerðingar
LEB, ASÍ, BSRB, SGS, Samiðn og Öryrkjabandalag Íslands efna til Ráðstefnu um Skatta og Skerðingar 3. maí 2006, kl. 13:00 til 16:00 í Öskju, Náttúrufræðistofnun Háskóla Íslands.
2.5.2006
Eddu hótelmiðar
Starfsmannafélag Reykjavíkurborgar mun eins og síðustu ár selja miða á Eddu hótelin í sumar á niðurgreiddu verði. Sala miða hefst 1. júní nk. Hver miði gildir fyrir tvo í gistingu í tveggja manna herbergi með handlaug í eina nótt á 4.200 kr. stk. Ekki er innifalin morgunverður
Leit
Stjórnborð
