Fulltrúaráð Starfsmannafélags Reykjavíkurborgar fundaði í gær, 8. desember. Góð mæting var á fundinn sem hófst með kynningu á félaginu fyrir nýja fulltrúa og síðan var fundur með öllu fulltrúaráðinu þar sem Garðar Hilmarsson formaður fór yfir starfið í haust og starfið framundan. Haukur Ingi Jónasson flutti mjög áhugavert erindi um þjóðfundinn og merkingu hans fyrir stéttarfélög.

Starfsmannafélag Reykjavíkurborgar býður félagsmönnum og vinum þeirra upp á kvöldstund með upplestur úr jólabókum og söng BSRB kórsins fimmtudagskvöldið 10. desember kl. 20 að Grettisgötu 89, 1. hæð. Þórarinn Eldjárn les upp úr bók sinni Alltaf sama sagan og Hlín Agnarsdóttir les upp úr bók sinni Blómin frá Maó. Kór BSRB mun syngja. Boðið verður upp á kakó og smákökur.

Auglýsing

Trúnaðarmannafræðsla BSRB og Félagsmálaskóla alþýðu hefst aftur í janúar. Fyrsta þrep verður haldið 18. - 20 janúar. Annað þrep verður haldið 25. - 27. janúar, þriðja þrep 1. - 3. febrúar, fjórða þrep 8. - 10. febrúar, fimmta þrep er kennt dagana 15. - 17. febrúar og sjötta þrep 1. og 2. mars. Námskeiðin eru í BSRB húsinu, Grettisgötu 89, og eru frá kl. 9 til 16 alla dagana.

Á fjölmennum fundi 5. nóv. s.l. var formlega stofnað hagsmunafélag faglærðra matreiðslumanna í grunnskólum Reykjavíkur.
Tilgangur félagsins er að efla samheldni félagsmanna auka færni og þekkingu og stuðla að bættum hag þeirra. Félagar geta þeir talist sem stýra mötuneytum í grunnskólum Reykjavíkur.

Elín Björg Jónsdóttir formaður FOSS var kjörin formaður BSRB með 52,38% atkvæða rétt í þessu eða 132 atkvæði af 252. Hún náði kjöri í fyrstu umferð. Árni Stefán Jónsson formaður SFR fékk 82 atkvæði eða 32,54% og Arna Jakobína Björnsdóttir formaður Kjalar fékk 38 atkvæði eða 15,08%. Snorri Magnússon dormaður Landssambands lögreglumanna dró framboð sitt til baka skömmu áður en atkvæðagreiðsla hófst.

Ögmundur Jónasson formaður BSRB setti þingið sem sem stendur yfir á Grand hóteli frá 21. okt til 23. október 2009. Ögmundur hættir nú sem formaður BSRB eftir að hafa gegnt því starfi í 21 ár og var honum þökkuð vel unnin störf með dynjandi lófaklappi og reis þingheimur jafnframt úr sætum.

Fulltrúaráðsfundur Starfsmannafélags Reykjavíkurborgar haldinn 14. október 2009 mótmælir harðalega þeim áformum ríkistjórnarinnar um að standa ekki við þau fyrirheit sem gefin voru í tengslum við kjarsamninga á árinu 2008.

Samkvæmt þeim átti persónuafsláttur að hækka um 7.000 kr. umfram verðlag á næstu þrem árum. Í samræmi við þessa yfirlýsingu hækkaði persónuafsláttur  um síðustu áramót  um 2.000 krónur.  Þetta loforð var gefið í ljósi þess að undanfarin mörg ár hafa skattleysismörk ekki fylgt verðlagi og farið sílækkandi að raungildi.

Fulltrúráðsfundurinn mótmælir því harðlega að ríkisstjórnin taki til baka þær örfáu krónur sem lægstu laun fengu úr síðustu kjarasamningum og lögð var áhersla á í yfirlýsingu fyrri ríksisstjórnar.

Undanfarna vetur hefur BSRB staðið fyrir starfslokanámskeiðum á höfuðborgarsvæðinu og reynst mikill áhugi fyrir þessum námskeiðum. Mikill fjöldi fólks hefur sótt námskeiðin og er látið mjög vel af þeim. Nú hefur verið ákveðið að vera með starfslokanámskeið í BSRB húsinu dagana 30. nóvember til 2. desember. Námskeiðið hefst kl. 16.30 þessa daga og lýkur kl. 19.00. Námskeiðin eru ætluð félögum sem eru farnir að nálgast starfslok eða hafa nýlega lokið störfum. Þátttöku þarf að tilkynna á skrifstofu BSRB í síma 525 8300 fyrir 27. nóvember 2009. Einnig er hægt að tilkynna þátttöku í netfangið bsrb@bsrb.is

Stjórn BSRB mótmælir harðlega þeim áformum núverandi ríkisstjórnar að ætla sér ekki að standa við gefin fyrirheit frá árinu 2008 um að létta skattbyrði hinna tekjulægstu með hækkun persónuafsláttar. Vísast þar til sérstakrar yfirlýsingar ríkisstjórnar Geirs H. Haarde frá 17. febrúar 2008 en sú yfirlýsing var grundvallarforsenda kjarasamninga á almennum og opinberum vinnumarkaði á því ári.

Á fyrsta fundi Fulltrúaráðs á þessu hausti fjallaði formaður um stöðuna í dag, hvað hefur verið að gerast í kjarasamningsmálum og það sem framundan er. Gunnar Ingi Jónsson, kjörstjóri skýrði frá kosningum í fulltrúaráð. Árni Stefán Jónsson, starfandi formaður BSRB kom á fundinn og skýrið frá því samráði sem BSRB hefur verið í út af stöðugleikasáttmála aðila vinnumarkaðarins og ríkisstjórnarinnar. Í lok fundar ályktuðu fulltrúar um efnahagsmálin á eftirfarandi leið.

Fulltrúaráð Starfsmannafélags Reykjavíkurborgar krefst þess að lánveitendur verði látnir taka ábyrgð til jafns við lántakendur á efnahagshruninu. Í ljósi þess verði endurskoðuð sú vísitala, sem verðtrygging lána byggir á.

Nú hefur verið opnað fyrir skráningu á námskeið félagsins "Gott að vita" sem eru félagsmönnum að kostnaðarlausu. Nánari lýsing á námskeiðum og fyrirlestrum koma í Fréttabréfi félagsins. Það eru mög áhugaverð námskeið í boði nú á haustönn og eru félagsmenn hvattir til þess að ská sig sem fyrst.

Framvegis og Verzlunarskóli Íslands er í samvinnu með nám fyrir Ritara og skrifstofustjóra. Þetta er blanda af staðbundnu námi og fjarnámi í WebCT kerfi. Námið er á framhaldskólastigi og er upp á 22 einingar. Námið dreifist á þrjár annir. Staðbundnar lotur eru 3x tveir virkir dagar á hverri önn og fjarnámið er stundað þess á milli.  Umsóknarfrestur er til 10. september.

Nú er kórstarf BSRB að hefjast fyrir alvöru og fyrsta æfing vetrarins verður þriðjudaginn 1. september kl. 20:00 í BSRB húsinu, Grettisgötu 89, 1. hæð. Æft verður einu sinni í viku í vetur, á þriðjudagskvöldum, kl. 20:00. Vonandi geta sem flestir mætt á þessa fyrstu æfingu og ekki er verra ef þið bjóðið áhugasömum með ykkur. Kórinn er ætlaður BSRB félögum, vinum og velunnurum. Kórstjóri er Svava Kristín Ingólfsdóttir.

Samkomulag um breytingar og framlengingu á kjarasamningi milli St.Rv. og Strætó bs. var samþykkt með 68 atkvæðum eða 70,1%, 24 greiddu atkvæði á móti samkomulaginu eða 24,7%, auðir og ógildir voru 5 eða 5,2%. Atkvæði greiddu 97 eða 51,1% félagsmanna á kjarasamningi við Strætó bs.

Atkvæðagreiðsla um breytingar og framlengingu á kjarasamningum við Reykjavíkurborg, Launanefnd sveitarfélaga vegna starfsmanna Akraneskaupstaðar og við ríkissjóð lauk klukkan 16 í gær. Niðurstöður urðu þær að allir samningarnir voru samþykktir. 
Niðurstaða vegna samkomulags við Reykjavíkurborg fór þannig að 60.54% þeirra sem greiddu atkvæði samþykktu en 34,78% voru á móti, 4.68% skiluðu auðu. 
Niðurstaða vegna samkomulags við LN, vegna bæjarstafsmanna á Akranesi,  fór þannig að 62.96% þeirra sem greiddu atkvæði samþykktu en 33.33% voru á móti, 3.7% skiluðu auðu. 
Niðurstaða vegna samkomulags við ríkissjóð fór þannig að 64.71% þeirra sem greiddu atkvæði samþykktu en 29.41% voru á móti, 5.88% skiluðu auðu.

Nú er félagsmönnum sem eru á kjarasamningum félagsins hjá Reykjavíkurborg, Akraneskaupstaði og hjá ríkinu að fá bréf með kynningu á samkomulagi um framlengingu og breytingar á kjarasamningi við viðsemjendur.  Aðgangskóði að rafrænni atkvæðagreiðslu er fyrir hvern félagsmann. Hvetjum við félagsmenn til þess að greiða atkvæði eftir að þeir hafa kynnt sér samkomulagið.

Þau leiðu mistök urðu í útsendingu á kjörseðlum vegna atkvæðagreiðslu á kjarasamningi við Reykjavíkurborg, að félagsmenn sem starfa hjá Strætó bs fengu boð um að kjósa í rafrænni kosningu um kjarasamninginn sem þeir eiga eiga ekki aðild að. Biðjumst við velvirðingar á þessum mistökum en aðgangi fyrir félagsmenn á kjarasamningi við Strætó, hefur verið lokað.

Kynning á samkomulagi um breytingar og framlengingu á kjarasamningum verða haldnir mánudaginn 10. ágúst kl. 16:15 að Grettisgötu 89, 1. hæð og 11. ágúst á Akranesi á Suðurgötu 62. Einnig er hægt að kynna sér samningana hér á heimasíðu félagsins. Atkvæðagreiðsla um samkomulagið fer fram á netinu með rafrænum hætti og hefst 22. júlí
kl. 9.00 og lýkur 13. ágúst kl. 16.00.

Starfsmannafélag Reykjavíkurborgar skrifaði undir nýjan kjarasamning við Launanefnd sveitarfélaga. Samningurinn er mjög á svipuðum nótum og kjarasamningur Starfsmannafélags Reykjavíkurborgar sem undirritaður var í 5. júlí og samningurinn við ríkið s.l.  föstudag. Megináhersla við gerð samninganna var lögð á að hækka launataxta sem eru undir 180.000 kr. og kemur sú hækkun í þremur áföngum, 1. júlí, 1. nóvember og 1. júní 2010.

Í dag um klukkan 19 var undirritað samkomulag um framlengingu á kjarasamningum milli fjármálaráðuneytisins og flestra aðildarfélaga innan BSRB, sem semja fyrir ríkisstarfsmenn. Í samkomulaginu er kjarasamningur framlengdur til nóvember 2010. Lögð er áhersla á að hækka lægstu laun. Laun fyrir ofan 210.000 kr. hækka ekki. Viðræður við Reykjavíkurborg og Launanefnd sveitarfélaga heldur áfram.

Samninganefndir Reykjavíkurborgar, ríkisstarfsmanna og Akraness eru að störfum hjá Sáttasemjara. Auk samninganefnda St.Rv. og Reykjavíkurborgar eru þar samninganefndir annarra  BSRB-félaga, Eflingar og Starfsgreinasambandsins, ríkisins og Launanefndar sveitarfélaga. Í samningaviðræðunum er nýlegur stöðugleikasáttmáli aðila vinnumarkaðarins, ríkisins og sveitarfélaga lagður til grundvallar, en í honum er gert ráð fyrir að sérstök áhersla verði lögð á að styrkja stöðu þeirra tekjulægstu.  

Skrifað var undir stöðugleikasáttmála aðila vinnumarkaðarins og ríkisstjórnarinnar í Þjóðmenningarhúsinu kl. 13:30. Markmið sáttmálans er að stuðla að endurreisn efnahagslífsins. Í framhaldi af undirskriftinni munu opinberir starfsmenn hefja samningaviðræður við ríki og sveitarfélög um nýja kjarasamninga en aðilar á almenna vinnumarkaðinum hafa náð samkomulagi um framlengingu kjarasamninga til haustsins 2010.

Fréttatilkynning  frá Bandalagi háskólamanna, BSRB og Kennarasambandi Íslands 25. júní 2009

„Það eru fleiri ljón í veginum en ég gerði ráð fyrir í byrjun vikunnar um að aðilar næðu saman," sagði Árni Stefán Jónsson varaformaður BSRB um hvernig þríhliða viðræðum aðila vinnumarkaðarins og ríkisstjórnarinnar um stöðugleikasáttmálann miðaði. Ágreiningurinn snýst fyrst og fremst um hvernig skuli fara með ríkisfjármálin.

Fulltrúar BSRB og aðila vinnumarkaðarins áttu í gær fund með ríkis- stjórninni þar sem hug- myndir um stöðugleika sáttmála voru ræddar áfram. Þessir aðilar hittust svo aftur í morgun. Í dag kl. 14 ætlar stóra samn- inganefndin að hittast og í framhaldi af því er fyrir- hugaður nýr fundur með ríkisstjórninni þar sem stefnt er að því að ganga frá stöðugleikasáttmála.

Viðræður um þríhliða stöðugleikasáttmála aðila vinnumarkaðarins og ríkisins hafa haldið áfram og eru málefnahópar um ríkisfjármál, efnahags- og atvinnumál að skila áfangaskýrslum.

Viðræður um launalið samninga hafa legið niðri og er vonast til að þær viðræður hefjist aftur í næstu viku.

Viðræður um þríhliða samkomulag samtaka launafólks, atvinnurekenda og ríkisins eru í ákveðinni óvissu eftir að Seðlabankinn tilkynnti um 1% lækkun stýrivaxta. Vinna í efnahagsnefnd samningsaðila hélt þó áfram eftir hádegi í dag og á morgun hafa verið boðaðir fundir í viðræðunefndinni sem fjallar um launalið opinberra starfsmanna. Þótt viðræður ASÍ og SA séu í uppnámi halda viðræður um launalið kjarasamninga opinberra starfsmanna áfram.

Ferðakostnaðarnefnd hefur ákveðið dagpeninga til greiðslu gisti- og fæðiskostnaðar ríkisstarfsmanna á ferðalögum innanlands á vegum ríkisins. Í kjarasamningum sem St.Rv gerir er tekið mð af ákvörðunum ferðakostnaðarnefndar.
Greiðslur verða þannig, gisting og fæði í einn sólarhring kr. 22.132, gisting í einn sólarhring kr. 14.182, fæði hvern heilan dag, minnst 10 tíma ferðalag, kr. 7.950, fæði í hálfan dag, minnst 6 tíma ferðalag, kr. 3.975 .

Dagpeningar þessir gilda frá og með 1. júní 2009. Jafnframt fellur úr gildi auglýsing nr. 6/2008 dags. 26. september 2008.

Menningar-og minningarsjóður kvenna auglýsir eftir styrkumsóknum vegna ársins 2009. Að þessu sinni er sjóðurinn opinn fyrir umsóknir frá atvinnulausum  konum 30 ára og eldri sem hófu nám eða hyggja á  nám á árinu 2009.

Um getur verið að ræða háskólanám, nám í framhaldsskóla til stúdentsprófs eða nám á styttri starfsbrautum og verknámsbrautum. Styrkupphæð árið 2009 er ein milljón króna og áskilur stjórn sjóðsins sér rétt til að ákveða fjölda styrkþega. Styrkur verður greiddur út þegar staðfesting á skólavist liggur fyrir.

Á fræðslusíðu Landsambands lífeyrissjóða eru þrjú ný kynningarmyndbönd sem leitast við að svara spurningum eins og hvers vegna við greiðum í lífeyrissjóð, hvers vegna viðbótarlífeyrissparnaður og hvort íslenska lífeyriskerfið sé eitt af bestu lífeyriskerfi í heimi. Leitið svara á www.gottadvita.is

Fjölmenni var í kröfugöngu sem fór frá Hlemmi niður á Austurvöll og svo í framhaldinu á útifundinum. Ræðumenn á fundinum voru Gylfi Arnbjörnsson forseti ASÍ,  þórveig Þormóðsdóttir formaður Félags starfsmanna stjórnarráðsins og Stefán Rafn Sigurbjörnsson formaður Sambands íslenskra framhaldsskólanema. 200.000 Naglbítar, Lúðrasveit verkalýðsins og Sigtryggur Baldursson og Parabólurnar fluttu tónlist.

Þar sem starfsmenn ríkisins eru með lausa kjarasamninga hefðu þeir að óbreyttu ekki fengið orlofsuppbót í júní eins og annað launafólk. Fjármálaráðuneytið hefur nú ákveðið að greiða starfsmönnum ríkisins orlofsuppbót "til að stuðla að jafnri stöðu stéttarfélaga í aðdraganda þjóðarsáttar um launaþróun," eins og segir í tilkynningu frá ráðuneytinu.

Iceland Express flugávísanir verða seldar á skirfstofu félagsins að Grettisgötu 89, 3 hæð eða í síma 525-8330 frá 4. maí 2009. Verð til félagsmanna er 12.500,- sem er að verðgildi kr. 20.000,-Hver félagsmaður getur keypt að hámarki tvær ávísanir. Gildistími flugávísananna er 2 ár frá útgáfudegi.

Ákveðið hefur verið að stofna kór BSRB félaga. Um verður að ræða blandaðan kór (konur og karlar) og stjórnandi verður Svava Kristín Ingólfsdóttir. Fyrsta æfing nýja kórsins verður fimmtudaginn 16. apríl kl. 20:00, Grettisgötu 89, 1. hæð.

 Námskeið í vistakstri fyrir bílstjóra sorphirðu Reykjavíkurborgar lauk í gær 2. apríl. Markmiðið með námskeiðinu er að draga úr losun mengandi efna við akstur, spara kostnað og auka umferðaröryggi. Vistakstur er einföld aðferð til að draga úr loftmengandi útblæstri úr bílum. Mengun andrúmsloftsins af mannavöldum er talin vera ein mesta umhverfisvá sem ógnar lífinu á jörðinni.

Frestur til þess að sækja um orlofshús og íbúðir félagsins á sumarorlofstíma var til 3. apríl. Úthlutað verður fljólega eftir páska og niðurstöðu kynntar þá.

Á starfmannafundi í gær greindi forstjóri, Hjörleifur B. Kvaran frá aðhaldsaðgerðum Orkuveitunnar. Þar kom meðal annars fram að laun yfir 300 þúsund krónum munu lækka. Frestað hefur verið þeim launahækkunum sem áttu að koma til félagsmanna 1. mars sl. en það verður endurskoðað í júní. Fram kom að þetta væri tímabundin ákvörðun.

Í marsmánuði heldur Starfsmannafélag Reykjavíkurborgar 5 morgunverðarfundi. Félagsmönnum verður boðið á fundina með þeim hætti, að annars vegar verður haft samband við félasmenn sem eru valdir af handahófi og þeim boðið á fundina. Hins vegar bjóðum við áhugasömum félagsmönnum að skrá sig hér. Markmiðið með fundunum er að auka samband við félagsmenn og stuðla að meiri samheldni og virkni innan félagsins.

Aðalfundur Starfsmannafélags Reykjavíkurborgar verður haldinn fimmtudaginn 19. mars kl. 17 að Grettisgötu 89, 1. hæð.
Við undirbúning aðalfundar 2009, sem  hafði verið ákveðinn fimmtudaginn 5. mars, kom í ljós að nýtt bókhaldskerfi, sem félög innan BSRB tóku í notkun á nýliðnu ári skilar ekki upplýsingum til ársuppgjörs fullkomlega.
Úrbætur eru í gangi hjá söluaðila kerfisins. Til að allrar varúðar sé gætt hefur stjórn St.Rv. ákveðið, í samráði við löggilta endurskoðendur, sem setja upp reikningana  að fresta aðalfundi félagsins um tvær vikur.
Aðalfundur er opinn öllum félagsmönnum og eru þeir hvattir til þess að mæta. Á dagskrá fundar eru venjuleg aðalfundarstörf samkvæmt 13 gr. laga og önnur mál.

Vegna ákvarðana Reykjavíkurborgar um uppsögn á yfirvinnu hefur Garðar Hilmarson formaður St.Rv. sent borgarstjóra, mannauðsstjóra Reykjavíkurborgar, fulltrúum og trúnaðarmönnum félagsins eftirfarandi bréf.

Frá og með 1. janúar 2009 mun Styrktarsjóður BSRB greiða styrk til félagsmanna vegna fæðingarorlofs. Umsækjendur þurfa sjálfir að sækja um styrkinn.

Með umsókn þarf að fylgja fæðingarvottorð frá Þjóðskrá, Borgartúni 24, 105 Reykjavík. Einnig þarf að skila inn vottorði launagreiðanda um ráðningarkjör sem útfyllist af vinnuveitanda. Styrkurinn er kr. 170.000,- miðað við fullt starf. Staðgreiðsla er dregin af styrknum.

Eyðublöðin er hægt að nálgast á heimasíðu sjóðsins www.styrktarsjodur.bsrb.is

Fulltrúar og trúnaðarmenn á menningarstofnunum Reykjavíkurborgar innan Starfsmannafélags Reykjavíkurborgar samþykktu ályktun á fundi sínum 23. janúar sl. þar sem þeir lýsa áhyggjum sínum á velferð og líðan samstarfsmanna ásamt atvinnuöryggi og launamálum þeirra. Þeir skora á yfirmenn Reykjavíkurborgar og stjórn St.Rv. Sjá nánar ályktun í heild sinni.

Eftirfarandi ályktun var samþykkt á stjórnarfundi  Starfsmannafélags Reykjavíkuborgar 21. janúar 2009. Þar gagnrýnir hún harðlega áform Reykjavíkurborgar um að segja upp yfirvinnu sem bundin er í fastlauna- og ráðningarsamningum.

Í dag var haldinn fundur í fulltrúaráði Starfsmannafélags Reykjavíkurborgar. Gestur á fundinum var Ögmundur Jónasson formaður BSRB sem fjallaði meðal annars um viðræður um þjóðarsátt og á hverju þær þyrftu að byggja. Einnig fjallaði hann um endurhæfingarsjóð sem verið er að setja á laggirnar. Fjölmargar spurningar og vangaveltur komu frá fulltrúum en óvenju margir tóku til máls og sköpuðust hinar fjörugstu umræður og ekki vantaði hugmyndirnar. Forusta félagsins var hvött til aðgerða og hugmyndir komu upp um að mynda hópa innan félagsins til þess að styðja við forystu og koma með hugmyndir að aðgerðum.

Kosið hefur verið um breytingar á kjarasamning vegna félagsmanna St.Rv. hjá Slökkviliði höfuðborgarsvæðisins.

Kosningu er lokið og atkvæði hafa verið talin, á kjörskrá voru 6 og greiddu þeir allir atkvæði.

• Já sögðu 6 eða 100%,
• nei sagði enginn.
• Auðir seðlar og ógildir voru engir.

Samningurinn telst því samþykktur af hálfu Starfsmannafélags Reykjavíkurborgar