Fréttir

28.4.2009

Sala hefst 4. maí

Iceland Express flugávísanir verða seldar á skirfstofu félagsins að Grettisgötu 89, 3 hæð eða í síma 525-8330 frá 4. maí 2009. Verð til félagsmanna er 12.500,- sem er að verðgildi kr. 20.000,-Hver félagsmaður getur keypt að hámarki tvær ávísanir. Gildistími flugávísananna er 2 ár frá útgáfudegi.

28.4.2009

Dagskrá 1. maí í Reykjavík

Á 1. maí verður safnast saman á Hlemmi frá kl. 13:00-13:30. Sigtryggur Baldursson og Parabólurnar verða með slagverkskonsert þar til gangan leggur af stað. Lúðrasveit verkalýðsins og Lúðrasveitin Svanur hefja göngu niður Laugarveginn kl. 13.30. Á leið göngunnar niður Laugarveginn verða örræður fluttar. Ræðumenn leggja út af ávarpi dagsins. Göngunni lýkur á Austurvelli þar sem baráttufundurinn verður haldinn. Að dagskrá lokinni verður síðan boðið upp á kaffi og meðlæti á Grettisgötunni að venju, þar mun nýi BSRB kórinn syngja nokkur lög undir stjórn Svövu Kristínar Ingólfsdóttur.

sjá nánar »

14.4.2009

Söngelsk í BSRB sameinumst!

Ákveðið hefur verið að stofna kór BSRB félaga. Um verður að ræða blandaðan kór (konur og karlar) og stjórnandi verður Svava Kristín Ingólfsdóttir. Fyrsta æfing nýja kórsins verður fimmtudaginn 16. apríl kl. 20:00, Grettisgötu 89, 1. hæð.

sjá nánar »

3.4.2009

Námskeið í vistakstri dagana 24. mars – 2. apríl.

Námskeið í vistakstri fyrir bílstjóra sorphirðu Reykjavíkurborgar lauk í gær 2. apríl. Markmiðið með námskeiðinu er að draga úr losun mengandi efna við akstur, spara kostnað og auka umferðaröryggi. Vistakstur er einföld aðferð til að draga úr loftmengandi útblæstri úr bílum. Mengun andrúmsloftsins af mannavöldum er talin vera ein mesta umhverfisvá sem ógnar lífinu á jörðinni.

sjá nánar »