Fréttir

Veitt voru verðlaun við hátíðlega athöfn í gær, föstudaginn 11. maí á Hilton Nordica hótel. Starfsmannafélag Reykjavíkurborgar var í fyrsta skipti með í stærstu vinnustaðakönnun í samvinnu við VR og SFR stéttarfélag. Starfsmannafélag Reykjavíkurborgar veitti verðlaun í tveimur flokkum, Stofnunum ársins Borg og bær, í stærri flokki (50 starsmenn eða fleiri) og minni stofnanir (49 starfsmenn eða færri). fyrst til þriðja sæti.  Það er skemmst frá því að segja að  af sex verðlaunum fóru fjögur til vinnustaða á Akranesi, Grundaskóla og Leikskólans Garðasels og svo skemmtilega vill til að það eru systurnar Ingunn og Hrönn Ríkarðsdætur sem stjórna þessum tveimur skólum.

Könnunin náði til allra félagsmanna St.Rv. sem voru í 50% starfi eða meira og höfðu verið félagsmenn í a.m.k. fjóra mánuði. Alls voru um 3.000 manns í þýði St.Rv., en af þeim voru um 266 sem fundust ekki, voru veikir, eða áttu ekki að tilheyra þýðinu.  Alls voru því ríflega 2.700 manns í þýði. Svör bárust frá 1.172

Vekjum athygli félagsmanna á að nú fer að líða að ársfundum lífeyrissjóðanna sem við eigum aðild að. LSS lífeyrissjóður starfsmanna sveitarfélaga verður með ársfund 8. maí kl. 16 að Borgartúni 30 í húsakynnum Sambands íslenskra sveitarfélaga og LSRb lífeyrissjóður starfsmanna Reykjavíkurborgar verður með ársfund 16. maí kl. 15 að Grettisgötu 89.

Launakönnun Starfsmannafélags Reykjavíkurborgar er nú lokið og viljum við þakka þeim félagsmönnum sem gáfu sér tíma til þess að svara henni. Dregið hefur verið úr númer í happadrættinu þar sem veittir eru glæsilegir ferðavinningar.   
Happadrættisnúmer var í könnuninni, ef númer hefur tapast er hægt að fá upplýsinar hjá: 
tomas.bjarnason@capacent.is .

Nú fer fram launakönnun félagsins sem Capacent sér um framkvæmd á. Frestur til þess að skila könnun hefur verið framlengdur til þriðjudagsins 20. mars. Við hvetjum félagsmenn til þess að taka þátt, það hjálpar okkur í baráttunni fyrir bættum kjörum.

Fjallað eru um launamun á launum á almennum og opinberum markaði á heimasíðu BSRB þar kemur fram að umsamin launakjör í kjarasamningum opinberra starfsmanna árið 2011 voru sambærileg og í kjara­samningum á almennum vinnumarkaði. Þrátt fyrir þetta hafa laun starfsmanna á almennum vinnu­markaði hækkað að meðaltali umfram laun opinberra starfsmanna. Það bendir til þess að umsvif á almennum vinnumarkaði séu að aukast, þar sem þessar launahækkanir eru langt umfram kjara­samnings­bundnar hækkanir.  

Haldinn verður opinn fundur á Grand Hóteli við Sigtún, 13. mars nk. kl. 17.00. Farið verður yfir rekstur og afkomu Lífeyrissjóðs starfsmanna sveitarfélaga og lífeyrissjóða í hans rekstri í ljósi nýútkominnar skýrslu Landssamtaka lífeyrissjóða um úttekt á fjárfestingastefnu, ákvarðanatöku og lagalegu umhverfi lífeyrissjóðanna í aðdraganda bankahrunsins 2008. Sjóðfélagar eru hvattir til að mæta á fundinn. sjá dagskrá

Aðalfundur Starfsmannafélags Reykjavíkurborgar var haldinn í gær, miðvikudaginn 7. mars. Garðar Hilmarsson formaður fór yfir helstu atriði úr skýrslu stjórnar sem lá frammi fyrir fundinum og hafði verið send öllum félagsmönnum í Fréttabréfi félagsins.

Áttundi mars er alþjóðlegur baráttudagur kvenna fyrir friði og jafnrétti. Boðið er til glæsilegrar dagskrár í Iðnó 8. mars kl. 17 undir heitinu "Vorið kallar". Ávörp halda Védís Guðjónsdóttir, Sigríður Rut Hilmarsdóttir, Steinunn Þóra Árnadóttir, Suomia Islami, Claudia Ashonie og Guðrún Hannesdóttir. Magga Stína syngur við undirleik Kristins Árnasonar. Fundarsjóri verður Kolbrún Halldórsdóttir. dagskrá

Frestur til þess að koma með framboð til stjórnarkjörs í Starfsmannafélagi Reykjavíkurborgar rann út sl. föstudag, 10. febrúar. Engin mótframboð bárust, þannig að tillaga uppstillingarnefndar að skipan í stjórn félagsins stendur. Sjá auglýsingu

Uppstillinganefnd Starfsmannafélags Reykjavíkurborgar hefur gert eftirfarandi tillögur um félagsstjórn fyrir næstu tvö árin, Formaður: Garðar Hilmarsson, Engjaseli 31, Reykjavík.
Í stjórn til tveggja ára: Guðríður Sigurbjörnsdóttir, Norðurbakka 23 Hafn., Herdís Jóhannsdóttir, Veghúsum 13 Rvk., Ingveldur Jónsdóttir, Grenigrund 10 Akranesi, Jónas Engilbertsson, Hólabergi 2 Reykjavík og Sigrún Helga Jónsdóttir, Salthömrum 3 Rvk. Önnur framboð, ásamt meðmælum 75 lögmætra félagsmanna hið minnsta (með nafni, kennitölu og vinnustað), þurfa að berast til félagsins eigi síðar  en kl. 16.00 föstudaginn 10. febrúar n.k.  sjá auglýsingu

St.Rv. leggur nú, annað árið í röð, af stað með launakönnun fyrir félagsmenn og verður könnunin send félagsmönnum nú í febrúar. Einnig verður lögð fyrir félagsmenn könnunin „Stofnun ársins“ og verður valin fyrirmyndarstofnun úr stofnunum og fyrirtækjum borgarinnar og Akranesskaupstaðar. 

Málþing BHM, BSRB og KÍ um samspil lífeyris og almannatrygginga verður haldið á Grand hótel Reykjavík 19. janúar nk. frá kl.13.00-16.00. Benedikt Jóhannesson frá Talnakönnun kynnir niðurstöður skýrslu sem hann vann að beiðni BHM, BSRB og KÍ um samspil lífeyrisgreiðslna frá lífeyrissjóðum og Tryggingastofnun. Málþingið er öllum opið og aðgangur er ókeypis. Þótt svo sé er fólk beðið um að skrá sig til þátttöku og er það gert hér eða í gegnum hnapp til hægri á forsíðu BSRB.

Á heimasíðu BSRB kemur fram að stjórnvöld undirbúa nú tilraunaverkefni sem felur í sér að stéttarfélög taka að sér hluta af þjónustu atvinnuleitenda. BSRB, KÍ og BHM vara eindregið við því að þessi leið verði farin og óttast að fyrirkomulagið verði til að skerða bolmagn Vinnumálastofnunar til að sinna starfi sínu.

Fulltrúaráðsfundur Starfsmannafélags Reykjavíkurborgar, haldinn 10. janúar 2012, krefst leiðréttingar á launum. Í febrúar 2009 var Reykjavíkurborg fyrsti opinberi vinnuveitandinn til þess að skerða kjör starfsmanna sinna. Uppsögn var ýmist á fastlaunasamningum eða