Fréttir
15.8.2005
Þeim fjölgar sem greiða í séreignarsparnað
Hátt í helmingur launþega greiddi í séreignarsparnað tekjuárið 2004. Þá hafði þeim fjölgað um rúm 8% frá árinu áður. Þetta kemur fram í fréttabréfi fjármálaráðuneytisins og byggja þessar tölur á upplýsingum Ríkisskattstjóra um álagningu á einstaklinga árið 2005.
Árið 2002 greiddu 43,4% þeirra sem greiða almennt lífeyrisiðgjald einnig í séreignarlífeyrissjóð, 46,5% árið 2003 og 50,2% í fyrra. Í fréttabréfinu kemur fram að meðallaunatekjur þeirra sem greiða í séreignarlífeyrissparnað sé lægri en hjá heildinni og bendi það til þess að þeir séu heldur yngri en meðaltalið.
Reykjavíkurborg samþykkti í desember 2004 að greiða mótframlag vegna séreignarlífeyrissparnaðar félagsmanna.
Leit
Stjórnborð
