Fréttir

Jóni Kristjánssyni formanni stjórnarskrárnefndar var í dag, á alþjóða vatnsdeginum, afhent erindi 14 félagasamtaka til stjórnarskrárnefndar. Í erindinu segir m.a.: „Vegna mikilvægis vatns fyrir íslenska þjóð og lífríki landsins telja undirrituð samtök nauðsynlegt að fest verði í stjórnarskrá Íslands ákvæði um skyldur og réttindi stjórnvalda og almennings hvað varðar réttindi, verndun og nýtingu vatns. Lög og reglugerðir um nýtingu vatns taki því mið af ákvæðum sem viðurkenna rétt einstaklinga til vatns sem og lögum er varða verndun vatns og náttúru.“

Samtökin sem standa að yfirlýsingunni eru:
ASÍ , BSRB, Félag Sameinuðu þjóðanna á Íslandi, Kennarasamband Íslands, Landvernd, Mannréttindaskrifstofa Íslands , MFÍK, Náttúruverndarsamtök Íslands, Landssamband eldri borgara,  SÍB, Ungmennafélag Íslands, Unifem á Íslandi, Þjóðkirkjan,  Öryrkjabandalag Íslands.