Fréttir

Starfsmannafélag Reykjavíkurborgar ásamt SFR býður upp á námskeið og fyrirlestra á haustönn fyrir félagsmenn. Fyrirlestrar í hádegi er nýjung að þessu sinni en þeir eru haldnir þriðja föstudag í hverjum mánuði. Fyrsti hádegisfróðleikurinn köllum við "Með á nótunum um efnahagsmál" og verður næstkomandi föstudag. Einnig er í fyrsta sinn boðið upp á stafgöngunámskeið sem er blanda af fyrirlestri og gönguæfingum og Skapandi skrif  þar sem fjallað er um frásagnarlistina sem tæki til að skapa, skilja og skemmta. Sígild námskeið eins og ræðunámskeiðið Tjáning í töluðu máli, Hvort ég get? Ekki málið sem fjallar um sjálfsímynd og samskipti og Ljósmyndun þar sem kennd eru undirstöðuatriði í stafrænni ljósmyndun eru á sínum stað.  Skráning á jakobina@strv.bsrb.is eða í síma 525-8330.

sjá lýsingu á námskeiðum