Fréttir

Fulltrúar BSRB á þinginu. F.v. Árni Stefán Jónsson, Þuríður Einarsdóttir og Ögmundur Jónasson.

28. þing Alþjóðasamtaka starfsmanna í almannaþjónustu, Public Services International, hófst í Vínarborg í gær, 24. september. Samtökin fagna 100 ára afmæli sínu um þessar mundir. Þingið stendur til 28. september. Á þinginu eru komnir saman 1500 fulltrúar frá öllum heimshornum og eru fulltrúar BSRB þar á meðal.

Fjölmörg mál eru á dagskrá þingsins sem PSI mun væntanlega leggja til grundvallar starfi sínu næstu fimm árin. Búist er við að þingið ítreki andstöðu sína gegn einkavæðingu á helstu stoðþjónustu samfélagsins svo sem heilbrigðisþjónustu, orkumálum eða málefnum veitustofnana. Herferð PSI í þágu öflugrar almannaþjónustu fyrir alla verður áfram haldið. Þá er mikilvægt að vinna markvisst að aukinni virðingu fyrir réttindum launafólks og samtökum þess. Einnig hvetur PSI samtök launafólks í hinum ríkari löndum til að sýna aukna samstöðu með verkalýðshreyfingunni í þróunarlöndunum t.d. með því að styrkja menntun, starfsemi og verkefni til eflingar veikburða samtökum þar.

Nánar má sjá um helstu mál þingsins HÉR og HÉR.