Fréttir

Borgarholtsskóli býður upp á nám fyrir stuðningsfulltrúa og skólaliða . Einnig býður skólinn upp á Félags- og tómstundanám fyrir starfsmenn sem vinna að tómstundum barna, unglinga og fullorðinna. Um er að ræða nám á svokallaðri brúar leið þar sem starfsreynsla og námskeið eru metin til styttingar á braut.

Inntökuskilyrði:

• Að nemandi hafi náð 22 ára aldri
• Að nemandi hafi þriggja ára starfsreynslu
• Að nemandi hafi lokið starfstengdum námskeiðum á vegum vinnustaða, stéttarfélaga, sveitarfélaga eða annarra aðila.

Um tvenns konar fyrirkomulag er að ræða:

Síðdegisnám:

Kennsla fer fram í Borgarholtsskóla mánudaga- fimmtudaga kl. 15:00-17:10.

Dreifnám:

Um er að ræða fjarnám með þremur staðbundnum lotum á önn. Námið fer fram á netinu þar sem sem nemendur skila verkefnum ásamt því að taka þátt í umræðutíma einu sinni í viku í hverju fagi klukkutíma í senn.

Hægt er að nálgast frekari upplýsingar um námið á heimasíðu Borgarholtsskóla (www.bhs.is) og hjá Sigrúnu Sigurðardóttur kennslustjóra (sigruns@bhs.is) í síma 535-1700 og 694-4959.

Umsóknarfrestur fyrir vorönn 2009 rennur út 3. desember 2008. Umsóknum skal skila til Borgarholtsskóla við Mosaveg 112 Reykjavík. Umsókn þarf að fylgja staðfesting vinnuveitenda á starfsaldri umsækjenda ásamt staðfestingu á að starfstengdum námskeiðum stéttarfélaga, vinnustaða, stéttarfélaga eða annarra sé lokið.