Kosningar í fulltrúaráð

Kosningar í fulltrúaráð Starfsmannafélags Reykjavíkurborgar eiga að fara fram á tímabilinu 15.-30. október. Kosið er til tveggja ára í senn. Allir félagsmenn eru kjörgengir til fulltrúaráðs. Þú getur skráð þig hér ef þú vilt bjóða þig fram í fulltrúaráð.

Hlutverk fulltrúa sem er jafnframt trúnaðarmaður er bæði fjölbreytt og áhugavert. Það felst meðal annars í að gæta hagsmuna félagsmanna St.Rv. á vinnustað, miðla upplýsingum bæði til félagsmanna og milli félagsmanna og St.Rv., gæta þess að kjarasamningar séu virtir og aðstoða ef upp koma ágreiningsmál.

Félaginu er skipt upp í starfsdeildir og er starfandi kjörstjórn í hverri deild. Áhugasamir eru hvattir til þess að setja sig í samband við kjörstjórn þeirrar deildar sem þeir tilheyra. SFR

Starf fulltrúa/trúnaðarmannsins felur í sér að:

• Vera fulltrúi St.Rv. á vinnustað/deild hvað varðar framkvæmd kjarasamnings og réttargæslu félagsmanna.
• Koma upplýsingum á framfæri við starfsmenn, bæði frá stéttarfélagi og atvinnurekanda.
• Vinna að lausn vandamála sem kunna að koma upp á vinnustað. Það getur falið í sér að:
  • Taka við athugasemdum/ábendingum samstarfsmanna.
  • Kynna sér málavexti þeirra sem málið varðar.
  • Krefjast úrbóta ef í ljós kemur að brotið er á samstarfsmanni.
  • Óska eftir aðstoð St.Rv. ef lausn næst ekki á vinnustaðnum.
• Fylgjast með nýráðningum og uppsögnum.
• Sækja fundi fulltrúaráðs.
• Sækja fræðslu fulltrúa og trúnaðarmanna.

Þáttaka í félagsstarfinu felur í sér tækifæri til að bæta við sig þekkingu og reynslu á sviði starfsmannamála. Einnig gefur það innsýn í rekstur stofnunar/fyrirtækis og starfsemi stéttarfélaga. Fulltrúum býðst tækifæri til þess að sækja tvö 3ja daga þjálfunarnámskeið þar sem áhersla er lögð á upplýsingamiðlun, réttindi á vinnumarkaði, kjarasamning og leiðtogaþjálfun.

Hefðbundin fræðsla kjörinna fulltrúa og trúnaðarmanna, Samstíga til framtíðar, eru reglulega  í boði, en nú þegar hafa verið skipulögð tvö námskeið á haustönn. Námskeiðin eru haldin í félagamiðstöð BSRB að Grettisgötu 89. Nánari upplýsingar um námskeiðin er að finna hér. Einnig stendur fulltrúum og trúnaðarmönnum til boða að sækja námskeið sem haldin eru á vegum BSRB og Félagsmálaskóla alþýðu sem einnig fara fram í félagamiðstöðinn að Grettisgötu 89.

 

 

---