Minnisblað um fyrirkomulag í fæðingarorlofi

Aðilar eru sammála um að vinna að eftirfarandi fyrirkomulagi á fæðingarorlofstöku starfsmanna:

Einstaklingur:

• Einstaklingur tilkynnir og semur við vinnuveitanda um töku fæðingarorlofs, hvenær það hefst og hvernig tilhögun á því verður.
• Einstaklingur fyllir út  sérstakt eyðublað (tilkynningu) þar að lútandi í fjórriti, þar sem vinnuveitandi tekur við sínu eintaki ásamt eintaki fjölskyldu- og styrktarsjóðs og Fæðingarorlofssjóðs. Einstaklingurinn heldur sínu afriti.

Vinnuveitandi:

• Vinnuveitandi framsendir afrit til Fæðingarorlofssjóðs og fjölskyldu- og styrktarsjóðs.
• Vinnuveitandi gerir upp sumarorlofi að loknu barnsburðarleyfi.
• Vinnuveitandi greiðir orlofs- og desemberuppbót í samræmi við kjarasamninga.
• Launagreiðandi ábyrgist lífeyrisskuldbindingar vegna b - deildarfólks.
• Vinnuveitandi sendir fjölskyldu- og styrktarsjóði upplýsingar um launaforsendur m.v. núverandi réttindakerfi (einungis vegna kvenna).
• Vinnuveitandi hefur fullnustað greiðslur í samningsbundna sjóði stéttarfélaganna með framlagi sínu í fjölskyldu- og styrktarsjóð.

Fæðingarorlofssjóður:

• Fæðingarorlofssjóður reiknar út þá upphæð sem greiða á viðkomandi einstaklingi í fæðingarorlofi og greiðir laun samkvæmt lögum um fæðingarorlof.
• Fæðingarorlofssjóður dregur af staðgreiðslu og önnur lögboðin gjöld og stendur skil á þeim, heldur eftir framlagi í lífeyrissjóð og stendur skil á því til viðkomandi sjóðs ásamt mótframlagi.
• Fæðingarorlofssjóður dregur af stéttarfélagsgjald og stendur skil á því til viðkomandi stéttarfélags.
• Fæðingarorlofssjóður sendir fjölskyldu- og styrktarsjóði upplýsingar um greiðslur til einstaklinga (kvenna) í fæðingarorlofi.

24. október 2000