Styrkir og sjóðir

Félagsmenn í Starfsmannafélagi Reykjavíkurborgar geta sótt um styrki;

• Vegna starfs- og endurmenntunar
• Starfsmenntasjóð
• Vísindasjóð (fyrir háskólamenntaða félagsmenn)

• Vegna fyrirbyggjandi heilsueflingar og sjúkradagpeninga í Styrktarsjóð BSRB
• Dagpeningar í veikindum eftir að veikindarétti hjá vinnuveitenda lýkur.
• Sjúkraþjálfunar / sjúkranudds / hnykklækninga
• Krabbameinsleitar
• Áhættuskoðunar hjá Hjartavernd
• Sálfræði-, félags- og fjölskylduráðgjafar
• Dvalar á heilsustofnun
• Líkamsræktar
• Augnaðgerða og gleraugnakaupa
• Tannviðgerða
• Ættleiðingar, glasafrjóvgunar og tæknisæðingar
• Heyrnartækja
• Útfararstyrkur

Sex sjóðir eru á vegum félagsins, þ.e. félagssjóður, vinnudeilusjóður, orlofssjóður, starfsmenntunarsjóður, vísindasjóður og styrktarsjóður BSRB. Um orlofssjóð, starfsmenntunarsjóð, vísindasjóð og styrktarsjóð hefur verið samið í kjarasamningum og eru iðgjaldagreiðslur til þeirra samningsatriði á hverjum tíma.

Iðgjald til félagssjóðs og vinnudeilusjóðs er ákveðið á aðalfundi félagsins ár hvert. Félagssjóður stendur undir öllum rekstri félagsins en úr vinnudeilusjóði, er m.a. úthlutað til félagsmanna í kjaradeilum.

Samið var um greiðslur frá Reykjavíkurborg  í Starfsþróunarsjóð í kjarasamningi sem tók gildi 1. október 2005. Hlutverk hans er að efla starfsmenntun félagsmanna.