Orlofsmál

Einn þáttur í starfi St.Rv. er rekstur og útleiga orlofshúsa og íbúða á vegum orlofssjóðs. Orlofshús í eigu félagsins eru í Munaðarnesi, við Úlfljótsvatn, að Efri- Reykjum í Biskupstungum, við Álftaavatní Grímsnesi, í Svínadal og að Eiðum. Orlofshúsin eru staðsett í vinalegu umhverfi þar sem stutt er í alla nauðsynlega þjónustu fyrir ferðamenn. Til að auka möguleika félagsmanna til dvalar í orlofshúsum víðar um land hafa sumarhús og íbúðir verið leigðar tímabundið eða skipti á orlofshúsum við ýmis stéttarfélög. St.Rv. á auk þess vel búna fjögurra herbergja íbúð á Akureyri, að Hrísalundi 2E, sem leigð er út til félagsmanna allt árið um kring.

Um sumar og páska er orlofshúsunum úthlutað til félagsmanna samkvæmt ákveðnum reglum og fá félagsmenn send umsóknareyðublöð í pósti síðla vetrar. Vetrardvöl í orlofshúsunum dregur ekki úr réttindum félagsmanna til sumar- eða páskaúthlutunar.

Úthlutunarreglur eru miðaðar við starfsaldur/félagsaldur og hversu oft og hvenær viðkomandi félagsmaður hefur fengið úthlutun. Í úthlutunarnefnd orlofshúsa sitja fulltrúar allra deilda og eru þeir kosnir á fyrsta fulltrúaráðsfundi nýs fulltrúaráðs, á tveggja ára fresti.

Umgengni
Orlofshúsin eru sameign okkar allra í St.Rv. og nauðsynlegt að við sameinumst um að umgangast þau með því hugarfari. Mikilvægt er að hafa það að leiðarljósi að skilja við þau eins og við viljum koma að þeim. Orlofshúsagestir eru vinsamlegast beðnir um að reykja ekki innanhúss. Minnt er á að ekki er leyfilegt að hafa gæludýr með sér í húsin.

Samskipti

Leit

Stjórnborð

Orlofsmál

Leiðarkerfi

Samskipti

Leit

Stjórnborð